Publikohet renditja e re e FIFA-s: Ngritje për Shqipërinë, Kosova vendos rekordin historik

Shtëpia më e madhe e futbollit botëror, FIFA, ka publikuar listën e përditësuar të renditjes kombëtare, e cila vjen pas përfundimit të ndeshjeve të fundit zyrtare për përfaqësueset respektive. Në këtë klasifikim të ri, kuqezinjtë kanë regjistruar një ecuri pozitive. Kombëtarja e Shqipërisë ka regjistruar një ngjitje prej një pozicioni, duke u pozicionuar tashmë në vendin e 66-të në shkallë globale. Ky përmirësim ka ardhur pasi kuqezinjtë kanë lënë pas Kombëtaren e Hondurasit dhe atë të Kepit të Gjelbër, skuadër e cila pati marrë pjesë në Kampionatin Botëror dhe u shndërrua në një prej surprizave të turneut. Ndërkohë, lajme mjaft pozitive vijnë edhe për Përfaqësuesen e Kosovës, e cila ka shënuar një arritje historike në këtë listë. "Dardanët" janë ngjitur me dy pozicione në renditjen e përgjithshme. Pas këtij përditësimi, Kosova zyrtrarisht renditet në vendin e 76-të, që përbën edhe pozicionin më të lartë dhe më komod të regjistruar ndonjëherë në historinë e tyre. Sa i përket kreut të renditjes botërore, vendi i parë vazhdon të mbahet nga Spanja, e cila vijon serinë e saj mbresëlënëse pa njohur humbje prej kohësh.