Trump refuzon marrëveshjen me Iranin për Hormuzin: Paralajmërohet rinisja e sulmeve pas zgjedhjeve

Presidenti i Shteteve të Bashkuara, Donald Trump, ka hedhur poshtë një propozim për armëpushim të paraqitur nga Irani, i cili kishte në fokus hapjen e ngushticës strategjike të Hormuzit. Sipas raportimeve të fundit, kreu i Shtëpisë së Bardhë po planifikon të rifillojë operacionet e sulmeve ajrore menjëherë pas përfundimit të zgjedhjeve të nëntorit për Kongresin amerikan. Ky zhvillim u bë publik fillimisht duke cituar gazetën prestigjoze amerikane "Wall Street Journal". Menjëherë pas qarkullimit të këtij lajmi, presidenti Trump ka reaguar përmes rrjeteve sociale, ku ka ironizuar hapur liderët iranianë.