Sulmi i rëndë në Skenderaj: Vihen në pranga dy të dyshuarit për tentim vrasjen e 20 shtatorit

Policia e Kosovës ka vënë në pranga dy persona të cilët dyshohen për përfshirje në një rast të rëndë të tentim vrasjes, ngjarje kjo e regjistruar më 20 shtator në qytetin e Skenderajt. Sipas të dhënave zyrtare nga organet e rendit, rasti në fjalë ishte raportuar fillimisht në mbrëmjen e 20 shtatorit, rreth orës 22:20, pas një incidenti të dhunshëm ku mbeti i plagosur një person. Pas një pune operative dhe hetimore, më 25 shtator, policia ka arritur të arrestojë dy të dyshuarit, të cilët janë shtetas të Kosovës. Pas intervistimit dhe me vendim të gjykatës kompetente, të dyshuarit janë dërguar në mbajtje nën masën e paraburgimit.