Skandali në Mitrovicë: Ish-kandidati i Lëvizjes Vetëvendosje fyen rëndë invalidin dhe ish-komandantin e UÇK-së

Një reagim i ashpër në rrjetet sociale ka ngritur tensione të reja, pasi një ish-kandidat i Lëvizjes Vetëvendosje për asamble komunale në Mitrovicë i është referuar një invalidi të luftës dhe ish-komandantit të Ushtrisë Çlirimtare të Kosovës (UÇK) me termin fyes “veteran të Serbisë”. Ky incident ka shkriuar reagime të shumta në opinionin publik. Në një rrëfim për përvojën e tij, invalidi i luftës, Mejzinolli, ka treguar se dhuna ndaj tij është ushtruar gjatë një proteste paqësore, pa pasur asnjë veprim provokues apo agresiv nga ana e tij ndaj zyrtarëve policorë. “Isha mbrëmë për a protestuar në mënyrë të qetë. Pa e thënë as edhe një fjalë të keqe kundër policëve, as edhe të tjerëve. Kur në një moment filloi gjuajtja e gazit lotsjellës, e pastaj edhe dhuna fizike, ku pësuan shumë veteranë, invalidë dhe familjarë të dëshmorëve. Në mesin e tyre isha edhe unë i lënduar, i çarë në kokë. Jam i qepur me tetë penjë në Emergjencë”, ka rrëfyer Mejzinolli, i cili në kohën e luftës ka shërbyer si komandant i UÇK-së. Si pasojë e ndërhyrjes gjatë protestës së të hënës, përveç Mejzinollit, ndihmë mjekësore në Qendrën Emergjente kanë kërkuar dhe kanë përfunduar edhe dhjetëra protestues të tjerë që morën pjesë në tubim.