Hykmete Bajrami pas zgjedhjes së presidente: E vërtetuam se gjashtë deputetët tanë nuk e çuan vendin në zgjedhje

Deputetja e Lidhjes Demokratike të Kosovës, Hykmete Bajrami, ka dalë me një reagim zyrtar pas votimit të Justina Shiroka-Pulës në krye të shtetit si presidente e re e vendit. Nëpërmjet një postimi në rrjetet sociale, ajo ka kujtuar qëndrimin e saj të mëparshëm se gjashtë deputetët e LDK-së nuk do të ishin shkaktarë të dërgimit të vendit drejt zgjedhjeve të jahta parlamentare, duke theksuar se situata rezultoi fiks ashtu siç kishte paralajmëruar. Duke i përcjellë urimet më të sinqerta për detyrën e re, Bajrami ka shprehur besimin se profesoresha në krye të shtetit do të dijë të ruajë ekuilibrin e duhur ndërmjet pushteteve të ndryshme. "Ju kam thënë: 'Gjashtë deputetë të LDK-së nuk e çojnë vendin në zgjedhje'. Urime Kosovë për presidenten! Uroj sinqerisht që profesoresha si presidente ta mbajë balancën mes pushteteve, unitetin shoqëror, ta respektojë Kushtetutën dhe interesin e vendit. Shumë suksese, presidente", ka theksuar ajo në mesazhin e saj urues.