Alarm për mjete të dyshimta në Gjakovë, ndërhyn njësiti i deminimit

Një rast që ka alarmuar autoritetet është shënuar në qytetin e Gjakovës, ku janë zbuluar disa mjete të pashpërthyera, duke vënë në latësi strukturat e sigurisë. Sipas njoftimit zyrtar, ngjarja është denoncuar në polici më 6 tetor, rreth orës 10:04. Menjëherë pas marrjes së informatës, patrullat policore janë nisur drejt zonës kritike, ku kanë vendosur perimetrin e sigurisë dhe kanë ndërmarrë të gjitha veprimet preliminare për mbrojtjen e qytetarëve. Në terren janë angazhuar edhe ekspertët e Njësitit për Menaxhimin e Mjeteve Eksplozive (Deminim), të cilët kanë kryer me sukses procedurën e tërheqjes së mjeteve të dyshimta nga vendi i ngjarjes. Burimet e Policisë konfirmojnë se i gjithë operacioni është zhvilluar pa u regjistruar ndonjë incident apo rrezik për banorët lokalë.