Begaj përshëndet zgjedhjen e Shiroka-Pulës në krye të Kosovës: Një rrugëtim i përbashkët drejt integrimit evropian

Presidenti i Republikës së Shqipërisë, Bajram Begaj, i ka dërguar një mesazh urimi Justina Shiroka-Pulës, me rastin e marrjes së detyrës si Presidente e Republikës së Kosovës. Në komunikimin e tij zyrtar, kreu i shtetit shqiptar ka vënë theksin te raportet e ngushta mes dy vendeve, duke nënvizuar se Shqipëria dhe Kosova do të vazhdojnë të ecin krah për krah në procesin e integrimit drejt Bashkimit Evropian. “Urime të përzemërta znj. Justina Shiroka-Pula për zgjedhjen Presidente e Republikës së Kosovës!”, ka shkruar Presidenti Begaj, duke shprehur mbështetjen e tij për udhëheqjen e re në Prishtinë dhe vizionin e përbashkët për të ardhmen euroatlantike.