Fatos Geci uron Justina Shiroka-Pulën për marrjen e detyrës si Presidente

Deputeti i Lëvizjes Vetëvendosje, Fatos Geci, ka përcjellë urimet e tij për Justina Shiroka-Pulën, pas përzgjedhjes së kësaj të fundit në postin e kreut të shtetit të Kosovës. Nëpërmjet një postimi në rrjetet sociale, Geci ka shprehur konsideratën e tij për profesoreshën, duke e uruar atë për marrjen e përgjegjësisë së lartë si Presidente e Republikës së Kosovës. “Urime, e dashur profesoreshë, për postin e Presidentes së Republikës së Kosovës! Me respekt të thellë, ish-studenti yt!”, ka shkruar ai. Kujtojmë se Justina Shiroka-Pula u emërua në këtë pozitë pas procesit të votimit të zhvilluar në Kuvendin e Kosovës.