Daut Haradinaj: Miratimi i ligjit për Specialen është triumf i protestuesve, pazarebërësit duhet të reflektojnë

Ish-deputeti i Aleancës për Ardhmërinë e Kosovës (AAK), Daut Haradinaj, ka reaguar pas votimit në lexim të dytë të ndryshimeve ligjore që lidhen me Dhomat e Specializuara të Kosovës. Sipas Haradinajt, ky zhvillim në Kuvend përfaqëson një fitore të qartë për të gjithë ata qytetarë që protestuan pandërprerë dhe nuk u tërhoqën nga qëndrimet e tyre gjatë ditëve të fundit. Në një mesazh të publikuar për opinionin publik, ai ka dërguar një porosi të ashpër për të gjithë aktorët politikë që kanë negociuar në dëm të figurave kryesore të Ushtrisë Çlirimtare të Kosovës. “Kjo është një fitore e protestuesve që nuk u dorëzuan, ndërsa ata që bënë pazare në kurriz të dënimit të liderëve të UÇK-së, le të mendohen mirë”, ka deklaruar Haradinaj.