Tensionohet situata para Qeverisë: Hedhje të mjeteve piroteknike dhe një protestues i lënduar

Tubimi protestues i mbajtur para objektit të Ekzekutivit ka marrë kthesë të tensionuar, pasi pjesëmarrësit kanë nisur të hedhin mjete piroteknike në drejtim të ndërtesës qeveritare. Në mes të zhvillimeve të zhurmshme, nga skena e organizimit është bërë thirrje e prerë drejtuar turmës që të shmangin çdo lloj hedhjeje drejt forcave të rendit, pavarësisht se disa nga mjetet shpërthyese kanë përfunduar në afërsi të kordonit policor. “Policia është e jona. Ne kemi dal për të protestuar, jo me u përlesh me policinë. Forca jonë është zëri ynë”, deklaroi Çlirim Haziri gjatë apelit drejtuar qytetarëve të pranishëm. Megjithatë, si pasojë e përshkallëzimit të situatës dhe reagimit të forcave të rendit për të vënë situatën nën kontroll, të paktën njëri nga protestuesit ka pësuar lëndime trupore.