Kthesa e madhe te Lindex, Pacolli: Menaxhmenti i ri solli fitime dhe frymë të re bashkëpunimi

Ish-presidenti i Kosovës, Behgjet Pacolli, ka bërë një analizë të zhvillimeve dhe transformimit të brendshëm në kompaninë Lindex në Prishtinë, duke vënë në pah kontrastin mes udhëheqjes së dikurshme dhe asaj aktuale. Nëpërmjet një reagimi publik në rrjetet sociale, Pacolli ka bërë të aformume se gjatë kohës kur ky biznes udhëhiqej nga struktura e mëparshme nën drejtimin e Valon Llukës, janë shënuar dëme dhe rënie financiare ndër vite. Megjithatë, sipas tij, tabloja e tanishme flet për një histori krejtësisht ndryshe të suksesit. Duke i thurur elozhe ekipit të ri drejtues, politikani ka vlerësuar se qasja e tyre e bazuar në profesionalizëm dhe integritet ka rikthyer profitabilitetin dhe ka instaluar një atmosferë të shëndetshme besimi e bashkëpunimi brenda kompanisë. Sipas pikëpamjes së tij, treguesit e suksesit nuk pasqyrohen vetëm përmes bilanceve financiare, por edhe përmes ndikimit të drejtpërdrejtë te stafi dhe partnerët, duke përmirësuar ndjeshëm klimën e përgjithshme të punës. Në vijim të deklarimit të tij, Pacolli ka evokuar rëndësinë e llogaridhënies, etikës dhe besueshmërisë si shtylla kurrizore për çdo sipërmarrje të suksesshme, duke shtuar se tendenca pozitive po vërehet gjerësisht edhe në kompani të tjera gjatë këtij viti kalendarik. Në mbyllje të mesazhit të tij, ai ka shprehur mirënjohje të veçantë për Fjolla R, Toskan dhe Marigonën, duke i vlerësuar lart angazhimin, seriozitetin dhe arritjet e tyre konkrete. “Ju përgëzoj, Fjolla R, Toska dhe Marigona për punën e dinjitetshme, për përkushtimin dhe për rezultatet e arritura. Vazhdoni ta ndërtoni këtë frymë të re, sepse suksesi i qëndrueshëm nuk ndërtohet vetëm mbi fitimin, por mbi mënyrën se si ai arrihet”, ka përmbyllur Pacolli.