Fondi Shëndetësor vendos rregulla të ja për pushimet mjekësore: Çfarë ndryshon për pacientët

Bordi Drejtues i Fondit për Sigurim Shëndetësor ka dhënë dritën jeshile për ndryshimet e rregullores që përcakton kriteret për pushimin mjekësor. Institucioni ka sqaruar se e drejta dhe kohëzgjatja e pushimit mjekësor mbeten të paprekura kudo që ka nevojë reale mjekësore. Sipas sqarimeve zyrtare, kalimi nga shtatë në pesë ditë nuk nënkupton mbylljen e detyrueshme të pushimit mjekësor në ditën e pestë. Bëhet fjalë vetëm për afatin pas të cilit, nëse gjendja e pacientit kërkon ende kujdes dhe pushim, aktivizohen protokollet mjekësore specifike për diagnozën në fjalë. Po ashtu, pragu kryesor prej 15 ditësh që menaxhohet drejtpërdrejt nga mjeku i familjes nuk pëson asnjë lloj ndryshimi. Paketimi i ri i rregullave synon thjeshtimin e burokracive administrative, duke sjellë gjithashtu mundësi më të gjera për lëshimin elektronik dhe retroaktiv të raporteve mjekësore. Nga FSSH-ja bëjnë me dije se këto zgjidhje të reja vijnë si rrjedhojë e një analize të detajuar profesionale që ka zgjatur disa muaj, me qëllim përmirësimin e kritereve ekzistuese.