Peci i dërgon mesazh opozitës para zgjedhjeve: Albini mbetet konstanta, ju jeni variablat

Kryetari i partisë GUXO, Faton Peci, u ka bërë thirrje subjekteve politike që të gjejnë një konsensus për çështjen e presidentit. Sipas tij, vendi ndodhet në çastet e fundit vendimtare, ndaj kërkohet angazhim i përbashkët, reflektim dhe mbizotërim i arsyes mbi rivalitetet dhe pakënaqësitë e panevojshme. “E, duhet ta dimë t’gjithë, nëse shkojmë n’zgjedhje, konstanta është Albini, e ju LDK, PDK e AAK jeni variablat”, ka shprehur Peci, duke theksuar se realiteti politik nuk ndryshon as pas një procesi të mundshëm zgjedhor. Ai ka shtuar se, pavarësisht rezultatit të zgjedhjeve të reja, partitë do të detyrohen sërish të kthehen te tavolina e bisedimeve. Peci ka përfunduar se edhe në negociatat e paszgjedhjeve, dinamika mbetet e njëjtë, ku Albini përfaqëson konstantën, ndërsa LDK-ja, PDK-ja dhe AAK-ja mbeten variablat.