Marrëdhëniet Kosovë-Francë, Lulzim Hiseni zyrtarisht dorëzon letrat kredenciale te presidenti Macron

Diplomati i karrierës, Lulzim Hiseni, ka nisur zyrtarisht mandatin e tij si shef i misionit diplomatik të Kosovës në shtetin francez, pasi i ka dorëzuar letrat kredenciale kreut të shtetit të Francës, Emmanuel Macron. Përmes një prononcimi në rrjetin social “X”, ambasadori i ri ka ndarë emocionet e këtij momenti të rëndësishëm për karrierën e tij dhe përfaqësimin e vendit, duke shprehur përkushtimin e tij të palëkundur ndaj aleatëve strategjikë. “Krenar që përfaqësoj Kosovën në Francë dhe i nderuar që i kam dorëzuar letrat kredenciale Presidentit Emmanuel Macron. Një mision që më prek thellë në zemër, në shërbim të partneritetit tonë, ambicies sonë evropiane dhe miqësisë mes popujve tanë”, ka theksuar në mesazhin e tij diplomati Hiseni.