Nezir Kraki: Asnjë ftesë zyrtare për seancë, beteja e vërtetë për Specialen është në Apel

Deputeti i Lëvizjes Vetëvendosje, Nezir Kraki, ka deklaruar se deri më tani nuk ka pranuar ndonjë ftesë zyrtare për pjesëmarrje në ndonjë seancë të Kuvendit të Kosovës. Edhe pse në hapësirat e mediave janë qarkulluar informacione se mund të thirret një seancë e jashtëzakonshme, institucioni kuvendar nuk ka dalë ende me një njoftim zyrtar në lidhje me këtë çështje. “Nuk e di, nuk kam marrë ftesë për seancë”, u shpreh Kraki shkurtimisht para gazetarëve të pranishëm në ndërtesën e Kuvendit. Gjatë prononcimit të tij, deputeti u ndal edhe tek çështja e ish-krerëve të Ushtrisë Çlirimtare të Kosovës që po ballafaqohen me drejtësinë në Dhomat e Specializuara, duke nënvizuar se vëmendja kryesore tani duhet t'i kushtohet fazës së ankesës. “Apelin [në Speciale] e fitojmë nëse krejt nesër dalim bashkë me një strategji”, theksoi ai. Në rrafshin institucional, Kuvendi i Kosovës ka ende pa përfunduar procesin e votimit në lexim të dytë të projektligjit për ndryshimin dhe plotësimin e Ligjit për Dhomat e Specializuara. Ndërkohë, dita e sotme shënon edhe afatin e fundit kushtetutë për zgjedhjen e presidentit të ri, ndërsa në rast të mosarritjes së një marrëveshjeje apo dështimit të këtij procesi, vendi rrezikon shpërndarjen e organit legjislativ.