Ndryshimi i ligjit për Gjykatën Speciale, Haradinaj u bën thirrje deputetëve: Votoni në lexim të dytë

Kryetari i Aleancës për Ardhmërinë e Kosovës (AAK), Ramush Haradinaj, u ka bërë thirrje ligjvënësve që të marrin pjesë në votimin e leximit të dytë për ndryshimin e ligjit që ka të bëjë me Gjykatën Speciale. “Jemi në Kuvend, kanë mbetur edhe 11 orë. Si Aleancë, ju bëjmë thirrje kolegëve të vijnë dhe t’i kryejnë detyrat që na i ka dhënë populli”, u deklarua ai. Gjatë prononcimit të tij, kreu i AAK-së bëri të ditur se deri në ato momente subjekti që ai drejton nuk kishte pranuar ndonjë njoftim zyrtar apo ftesë për mbajtjen e seancës parlamentare. I pyetur rreth kësaj çështjeje, ai u përgjigj shkurt: “Ende jo”. Në përfundim të konferencës për media, Haradinaj konfirmoi gjithashtu se do të dalë për të takuar protestuesit, me qëllim që t'i falënderojë ata për, siç u shpreh ai, shfaqjen e vetëdijes kombëtare.