Hansi Flick merr rolin e trajnerit personal, i kushtohet vetëm një lojtari në stërvitje

Klubi katalunas u gjend në një situatë të vështirë për shkak të mungesave të shumta gjatë periudhës së ndeshjeve ndërkombëtare në UEFA Nations League. Në qendrën stërvitore të Barcelonës kanë mbetur vetëm një grusht lojtarësh, mes tyre edhe sulmuesi brazilian, ndërkohë që emra të rëndësishëm si Gavi, Raphinha, Christensen apo Garcia janë jashtë fushave për shkak dëmtimesh. Përmes një videoje të shpërndarë nga vetë klubi, është bërë e ditur se tekniku gjerman, Hansi Flick, ka marrë përsipër të punojë kokë më kokë me sulmuesin, duke e stërvitur atë në mënyrë të mirëfilltë individuale. Gjatë kësaj seance të veçantë, strategu katalunas u fokusua te faza e sulmit, ku lojtari u ushtrua intensivisht në tejkalimin e pengesave që simulonin praninë e mbrojtësve kundërshtarë gjatë ndërtimit të aksioneve. Vlen të theksohet se sulmuesi ka regjistruar një nisje mjaft premtuese të karrierës së tij me fanellën e re, duke gjetur rrugën e rrjetës dy herë në katër paraqitjet e tij të para.