Parashikimi i motit për sot: Kushte të qëndrueshme atmosferike dhe temperatura pranverore në vend

Për këtë të martë, territori i Republikës së Shqipërisë do të karakterizohet nga një situatë meteorologjike kryesisht e qëndrueshme dhe e qetë në pjesën dërrmuese të zonave. Orët e para të ditës do të hapen me mot të kthjellët, ndërkohë që gjatë mesditës dhe pasdites parashikohet shfaqja e vranësirave kalimtare. Megjithatë, ato nuk do të sjellin ndryshime drastike në tablojnë e përgjithshme të motit. Në kryeqytet, termometri gjatë natës dhe në agim do të shënojë vlera minimale mes 13 dhe 14 gradë Celsius. Me ecjen e orëve, temperaturat do të pësojnë rritje, duke arritur maksimumin e tyre në kufijtë e 26 deri në 27 gradë Celsius. I gjithë vendi do të vijojë të mbetet nën ndikimin e kushteve të favorshme atmosferike. Vlerat minimale të temperaturave pritet të zbresin deri në rreth 7 gradë Celsius në rajonet malore, ndërsa zonat fushore dhe ato bregdetare do të shënojnë temperatura dukshëm më të larta. Sa i përket erës, ajo do të fryjë me intesitet të lehtë deri në mesatar, pa rrezikuar që të krijojë shqetësime. Edhe hapësirat detare do të paraqiten të qeta, me një dallgëzim të ulët që do të luhatet nga 1 deri në 2 ballë.