Musliu-Shoshi nga Kuvendi: Nuk lëvizim, kërkojmë miratimin e Ligjit në lexim të dytë

Deputetja e Partisë Demokratike të Kosovës (PDK), Ariana Musliu-Shoshi, ka shprehur mirënjohjen e saj për qytetarët që po vazhdojnë tubimin protestues, duke u bërë thirrje për unitet të patundur në këtë fazë. "Faleminderit secilit nga ju që po qëndroni në mbrojtje të vlerave, të sakrificës sonë për liri dhe të së vërtetës së luftës sonë çlirimtare", ka theksuar Musliu-Shoshi në deklaratën e saj. Duke folur nga ambientet e legjislativit, ajo konfirmoi se grupi i deputetëve po vijon qëndrimin brenda sallës plenare, me kërkesën e prerë që projektligji në fjalë të kalojë në votim gjatë leximit të dytë. "Qëndroni të bashkuar siç keni qëndruar nga data 16 shtator! Jemi bashkë. Për lirinë, për çlirimtarët, për Kosovën!", ka përfunduar ajo.