Skandali i videove intime: Zbardhet dëshmia e artistit të ri në polici, çfarë tha ai për lidhjen me Adrian Hilën

Zbardhen detaje të reja nga hetimet për skandalin e publikimit të videove intime në internet, ku është i përfshirë kompozitori i njohur Adrian Hila. Rasti ka marrë vëmendje të gjerë publike gjatë ditëve të fundit. Autoritetet policore kanë rënë në kontakt dhe kanë marrë dëshminë e një këngëtari të ri, i dalë dikur nga një spektakël talentesh për fëmijë, i cili identifikohet me inicialet G.H. Ai është pikërisht personi që shfaqet në pamjet intime krahas kompozitorit. Gjatë pyetjes në polici, i riu ka sqaruar se lidhja mes tyre ka qenë plotësisht me pëlqim reciprok dhe se kjo marrëdhënie ka nisur pasi ai kishte mbushur moshën madhore. Paralelisht, hetimet kanë zbuluar zhvillime të tjera. Një këngëtare nga Kosova është paraqitur në polici për të denoncuar personin që ka shpërndarë videot. Ajo ka shfajësuar kompozitorin Hila, duke theksuar se ai nuk mban përgjegjësi për daljen e pamjeve në internet, dhe ka drejtuar gishtin nga një nga personat e parë që i ka publikuar ato, duke e përmendur me emër. Ndërkohë, kompozitori Adrian Hila vazhdon të hetohet nga organet e drejtësisë në gjendje të lirë. Ai akuzohet për veprën penale të “ndërhyrjes së padrejtë në jetën private”, një shkelje që sipas Kodit Penal klasifikohet si kundërvajtje dhe dënohet me gjobë ose me burgim deri në dy vjet.