Hapi i parë drejt drejtësisë: Kuvendi i Kosovës miraton Byronë për Konfiskimin e Pasurisë

Kuvendi i Kosovës ka hedhur një hap të rëndësishëm në luftën kundër korrupsionit, duke miratuar në parim Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme. Në seancën plenare, nisma ligjore ka siguruar mbështetje masive nga deputetët, duke marrë 81 vota pro, pa pasur asnjë votë kundër dhe asnjë abstenim. “Kërkohet nga Komisioni Legjislativ, që në cilësinë e komisionit përgjegjës raportues dhe komisionet e përhershme, ta shqyrtojnë projektligjin dhe Kuvendit t’ia paraqesin raportet me rekomandime”, u shpreh kryetarja e Kuvendit, Albulena Haxhiu.