Mickoski: Von der Leyen e cilësoi si frymëzuese punën e kabinetit qeveritar drejt BE-së

Kryeministri i Maqedonisë së Veriut, Hristijan Mickoski, gjatë një deklarate për media, është përgjigjur në lidhje me pyetjet se a ka pasur ndonjë pakënaqësi nga mesazhet e dërguara nga Ursula von der Leyen apo nga bllokadat e mundshme në procesin e integrimit evropian. Duke hedhur poshtë pretendimet e opozitës dhe të disa qarqeve mediatike pranë saj, kreu i ekzekutivit maqedonas theksoi se këto akuzë jo vetëm që nuk pasqyrojnë të vërtetën, por përkojnë me tentativa për ta manipuluar opinionin publik. Sipas tij, bisedimet e zhvilluara kanë qenë në nivelin më të lartë, duke i quajtur ato një takim tejet të frytshëm dhe miqësor, ku mbështetja nga Brukseli shërben si shtytje e fortë për të ecur përpara me agjendën e ndryshimeve rrënjësore. Mickoski veçoi se Presidentja e Komisionit Evropian, në një qasje mjaft pozitive, ka përdorur fjalë inkurajuese për punën e deritanishme të qeverisë, duke e cilësuar atë si një angazhim motivues në reformat dhe në të gjithë procesin eurointegrues të vendit. Në fund, kreu i qeverisë shprehu optimizmin e tij se në muajt në vijim do të arrihet një dinamizim i ndjeshëm i këtij rrugëtimi, duke gjetur një zgjidhje të përshtatshme për ngërçin aktual politik.