Trazirat në Francë: Rreth 500 institucione arsimore mbyllin dyert për shkak të pasigurisë

Për të dytën ditë të kësaj jave, rreth 500 shkolla në mbarë territorin francez kanë qëndruar të mbyllura, pas valës së protestave dhe përleshjeve të dhunshme mes nxënësve dhe forcave të rendit gjatë javës së kaluar. Sipas deklaratës së Ministrit të Arsimit, ky vendim është marrë pasi këto qendra edukative nuk garantojnë më kushtet minimale të sigurisë për vijimin e rregullt të mësimdhënies. Të dhënat zyrtare tregojnë se prej nisjes së revoltës, e cila kaafruar afërsisht një javë, 24 shkolla kanë pësuar dëme të rënda materiale nga djegiet dhe grabitjet. Vala e pakënaqësisë studentore pati zanafillën e saj në mes të muajit shtator në kryeqytetin Paris, por brenda pak ditësh u zgjerua në shkallë kombëtare. Ndërkohë, organizatorët kanë paralajmëruar një mobilizim dhe mbështetje edhe më të gjerë përgjatë kësaj jave. Kërkesat e mijëra nxënësve lidhen ngushtë me përmirësimin e cilësimit në arsim. Ata kërkojnë shtim të numrit të stafit pedagogjik, ulje të mbingarkesës në klasa, si dhe kushte më cilësore infrastrukturore në godinat shkollore. Nga ana e saj, qeveria franceze ka bërë të ditur se po angazhohet me hapa konkretë për t'i dhënë zgjidhje sfidave me të cilat përballen nxënësit e shkollave të mesme dhe punonjësit e arsimit, megjithatë këto ndërhyrje janë cilësuar si të pamjaftueshme nga protestuesit. Bilanci i trazirave në nivel kombëtar flet për rreth 5000 persona të ndaluar, kryesisht të rinj. Gjithashtu, qindra qytetarë të tjerë, përfshirë këtu protestues, mësues dhe efektivë të policisë, kanë pësuar lëndime trupore gjatë përplasjeve.