Skemat e mashtrimit përmes Call Center: Apeli i Posaçëm vulos dënimet për 16 person

Gjykata e Posaçme e Apelit ka marrë vendimin përfundimtar, duke mos ndryshuar masat e dhëna nga shkalla e parë për 16 të pandehurit e përfshirë në dosjen e bujshme të qendrave të thirrjeve (call center). Ata mbahen përgjegjës ligjërisht për veprat penale të mashtrimit kompjuterik dhe pjesëmarrjes në grup të strukturuar kriminal. Sipas vendimit zyrtar të shkallës së dytë, togat e zeza kanë lënë në fuqi dënimet që shtrihen nga 6 vite e 8 muaj deri në 8 vite heqje lirie. Për sa i përket masës më të rëndë ndëshkimore prej 8 vitesh burg, ajo i është atribuar të pandehurit Bruno Cobo. Më poshtë jepet lista e plotë me vendimet për secilin prej 16 të pandehurve: - Bruno Cobo – 8 vite burg - Elisa Caci – 7 vite e 4 muaj burg - Gilbert Palushani – 7 vite e 4 muaj burg - Valbona Abedinaj – 7 vite e 4 muaj burg - Erion Kastrati – 7 vite e 4 muaj burg - Aldo Pasku – 6 vite e 8 muaj burg - Bruno Gjika – 6 vite e 8 muaj burg - Rezarta Ibrahimi – 6 vite e 8 muaj burg - Orland Cani – 6 vite e 8 muaj burg - Florjan Bregu – 6 vite e 8 muaj burg - Hamit Dobi – 6 vite e 8 muaj burg - Greta Gjoci – 6 vite e 8 muaj burg - Gjin Shelnishta – 6 vite e 8 muaj burg - Antoneta Malo – 6 vite e 8 muaj burg - Silvana Veliu – 6 vite e 8 muaj burg - Mojsi Zuna – 6 vite e 8 muaj burg Në këtë mënyrë, me vendimmarrjen e fundit të Apelit të Posaçëm, qëndrimi i shkallës së parë mbetet i pandryshuar. Hetimet dhe procesi gjyqësor kanë dokumentuar se personat në fjalë kanë qenë pjesë e operacioneve të paligjshme, duke përdorur mjetet kompjuterike dhe infrastrukturën e call center-ave për të zhvatur qytetarët përmes skemave të mirëorganizuara mashtruese.