Nga dosja hetimore te moda: Fraza “Krejt radarët e shtetit i fiki për ty” kthehet në slogan bluzash

Detaje të reja dhe mjaft interesante kanë dalë në dritë nga shkëmbimet e mesazheve mes ish-drejtores së Shërbimit Informativ Shtetëror, Vlora Hyseni, dhe Ergys Agasit. Sipas hetimeve, ky i fundit dyshohet se ka pëfrytëzuar informacionet e siguruara nga ish-zyrtarja e lartë për t'i shpëtuar drejtësisë për një periudhë tetëmujore, duke iu fshehur organeve të rendit gjatë kohës që ishte në arrati. Në fokus të vëmendjes publike ka rënë një prej bisedave të zbardhura, ku Hyseni i shkruan Agasit: “Krejt radarët e shtetit i fik për ty!”. Kjo shprehje ka bërë bujë të madhe në media dhe ka ndezur debate të shumta në opinionin publik për shkak të peshës që mbart. Ndërkohë, fenomeni ka kaluar kufijtë e sallave të gjyqit dhe mediave, duke u shndërruar në frymëzim tregtar. Disa biznese vendase kanë nisur prodhimin e bluzave ku ky mesazh tashmë është printuar si slogan, duke reflektuar ndikimin e ngjarjes në kulturën e popullit.