Në prag të votimeve për Specialen, Altin Krasniqi hyn në Kuvend mes thirrjeve “UÇK” nga protestuesit

Altin Krasniqi, djali i ish-kryetarit të Kuvendit, Jakup Krasniqi, është shfaqur mbrëmjen e sotme duke hyrë në ndërtesën e Kuvendit të Kosovës. Kjo ngjarje ndodh në një moment kyç, pak çaste para se në seancën plenare të hidhet për votim projektligji që parasheh ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar. Prania e tij në ambientet e institucionit më të lartë legjislativ është shoqëruar nga atmosfera e tensionuar jashtë tij, ku qytetarët e pranishëm kanë shpërthyer në thirrje dhe brohoritje mbështetëse për Ushtrinë Çlirimtare të Kosovës.