Hapet rruga për ndryshimet në Ligjin për Gjykatën Speciale: Komisioni jep dritën jeshile

Komisioni parlamentar për Legjislacion ka miratuar projektligjin për ndryshimin dhe plotësimin e kornizës ligjore për Dhomat e Specializuara dhe Zyrën e Prokurorit të Specializuar, duke i hapur rrugë procesit të mëtutjeshëm të vendimmarrjes. Pas këtij miratimi në nivel komisioni, nisma ligjore do të procedohet menjëherë për shqyrtim dhe votim në seancën plenare të Kuvendit të Kosovës. Ligjvënësit pritet ta diskutojnë këtë draftligj në seancën e sotme parlamentare, ku kjo çështje është përcaktuar si pika e parë e rendit të ditës.