Lëvizje e bujshme në kabinetin iranian: Dorëhiqet ministri i Naftës, dihet kush e zëvendëson përkohësisht

Ministri i Naftës i Iranit, Mohsen Paknejad, ka hequr dorë këtë të diele nga drejtimi i këtij dikasteri kyç. Pas largimit të tij, udhëheqja e ministrisë i ka kaluar përkohësisht Hamid Bovard, i cili deri më tani ka mbajtur pozicionin e drejtorit ekzekutiv në Kompaninë Kombëtare të Naftës Iraniane, e cila është në pronësi shtetërore. Mohsen Paknejad e kishte marrë drejtimin e këtij resorë në shtetin anëtar të OPEC-ut në muajin gusht të vitit 2024. Dorëheqja e tij vjen në një periudhë tejet sfiduese, ndërsa tensionet dhe konflikti shtatëmujor mes Iranit dhe Shteteve të Bashkuara të Amerikës po rëndojnë ndjeshëm mbi ekonominë e vendit. Nëpërmjet një deklarate nga kabineti presidencial, është bërë e ditur se presidenti iranian, Dr. Pezeshkian, ka miratuar dorëheqjen e Paknejad dhe ka caktuar Hamid Bovard si ministër të përkohshëm të naftës, raportojnë burimet zyrtare shtetërore. Sipas transmetimeve të mediave shtetërore, pak para se të bëhej publike dorëheqja, vetë Paknejad ishte shprehur se të ardhurat nga shitja e naftës po arkëtohen rregullisht dhe se ky ritëm do të vijojë edhe në të ardhmen me ndihmën e Zotit.