Kosova ndalet në çastet e fundit, Austria i rrëmben fitoren në Prishtinë

Kombëtarja e Kosovës ka regjistruar një barazim zhgënjyes 1:1 ndaj Austrisë në sfidën e vlefshme për Ligën e Kombeve, e cila u zhvillua në stadiumin “Fadil Vokrri” në kryeqytet. “Dardanët” ishin shumë pranë triumfit kur arritën të zhbllokonin rezultatin në minutën e 69-të. Ishte sulmuesi Fisnik Asllani ai i cili dërgoj topin në rrjetë për 1:0, pas një aksioni të rrjedhshëm dhe një asistimi perfekt nga Edon Zhegrova. Megjithatë, epërsia e vendasve nuk rezistoi deri në fund. Austria përfitoj nga një pakujdesi në mbrojtje dhe barazoi shifrat në 1:1 në minutën e 85-të, përmes një finalizimi nga Christoph Lang. Pas këtij barazimi, Përfaqësuesja e Kosovës ngjitet në kuotën e pesë pikëve në tabelë, ndërsa Austria ruan pozitën e parë në grup, duke u ngjitur në tetë pikë.