Pjesa e parë mbyllet pa fitues, Kosova dhe Austria neutralizojnë njëra-tjetrën në “Fadil Vokrri”

Ka përfunduar 45-minutëshi i parë i sfidës mes Përfaqësueses së Kosovës dhe asaj të Austrisë, e cila po zhvillohet në stadiumin “Fadil Vokrri”, me rrjeta të paprekura 0-0. Gjatë kësaj pjese të parë, “Dardanët” patën disa gjysmëraste për të rrezikuar portën kundërshtare, ku rasti më i mirë u regjistrua kur sulmuesi kryesor, Vedat Muriqi, nuk arriti ta kontrollojë topin në një duel kokë më kokë me portierin austriak. Në krahun tjetër, futbollistët mysafirë rrezikuan në disa raste përmes Gregoritsch dhe Prass, por nuk arritën dot të mposhtnin portierin Amir Saipi, i cili u tregua i vëmendshëm dhe i gatshëm në çdo ndërhyrje. Me këtë barazim të përkohshëm, Kombëtarja e Kosovës po shkon në kuotën e pesë pikëve pas katër ndeshjeve të zhvilluara, ndërsa Austria ngjitet në totalin e tetë pikëve.