Sydney Sweeney provokon sërish në rrjet: Si i shtoi miliona pasurisë së saj nga një reklamë e diskutueshme

Aktorja e njohur amerikane Sydney Sweeney ka rikthyer vëmendjen e publikut, duke ndarë me ndjekësit disa imazhe ku shfaqet e veshur me të brendshme nga marka e saj personale “SYRN”. Ky veprim vjen vetëm pak ditë pas bujës së madhe që shkaktoi përfshirja e saj në një spot reklamues për platformën e basteve sportive, Novig. Në fotografitë e publikuara në Instagram, 29-vjeçarja promovon koleksionin e ri të markës së saj, duke u shfaqur me një set veshjesh intime që kapin vlerën totale prej afërsisht 162 dollarësh. Aktorja ka kombinuar reçipetat “Meet Me Halfway Plunge Bra” me çmim 64 dollarë, me të brendshme që kushtojnë 39 dollarë, si dhe një kardigan të shkurtër në ngjyrë rozë të çelët me vlerë 59 dollarë. Megjithatë, interesi i mediave dhe i fansave ndaj saj është ngritur ndjeshëm për shkak të bashkëpunimit të fundit me platformën Novig. Sipas të dhënave të publikuara, vlera e kësaj kompanie është rritur në mënyrë drastike nga rreth 500 milionë dollarë në 2 miliardë dollarë, falë suksesit të fushatës virale të pagëzuar “Just Sports”. Përveç angazhimit si imazh i fushatës, Sweeney është edhe investitore në këtë kompani, pasi kishte siguruar një paketë aksionesh para xhirimit të reklamës. Edhe pse përqindja e saktë e pronësisë së saj mbahet e mbyllur për publikun, llogaritë tregojnë se një pjesë prej vetëm 1 për qind do të kishte vlerën e rreth 20 milionë dollarëve, duke u bazuar në vlerësimin aktual të tregut. Në spotin e Novig, aktorja u shfaq e zhveshur duke përdorur objekte të ndryshme sportive për të mbuluar pjesët intime, një zgjedhje që nxiti debate të gjalla në rrjetet sociale dhe kritikë nga disa sportiste, duke e vendosur atë në epiqendër të vëmendjes mediatike. Përtej kësaj marrëveshjeje fitimprurëse, Sweeney po punon intensivisht për të konsoliduar pozitat e saj si sipërmarrëse në botën e modës. Ajo lançoi markën “SYRN” në muajin janar, me ambicien e qartë për ta konkurruar atë krah markave të famshme botërore, si “Skims” e Kim Kardashian dhe “Savage X Fenty” e këngëtares Rihanna. Aktorja ka theksuar se qëllimi i saj ka qenë ndërtimi i një emri komercial ku gratë ndjehen të sigurta në lëkurën e tyre, duke ofruar produkte që u përshtaten formave dhe siluetave të ndryshme trupore. “Sekreti më në fund doli... kjo është veshje intime që e vishni për veten tuaj, pa shpjegime dhe pa kërkuar falje”, pati deklaruar ajo gjatë eventit të prezantimit të markës, duke nënvizuar se fokusi i “SYRN” mbetet rehatia dhe përshtatshmëria e gjerë për çdo trup. Kështu, mes suksesit galopant të reklamës së Novig që ka rritur vlerën e investimeve të saj dhe zgjerimit të bizneseve në fushën e modës, Sydney Sweeney vazhdon të dëshmojë se është një nga emrat më të fuqishëm dhe fitimprurës të momentit.