Formacionet zyrtare: Zhegrova titullar, Foda zbulon 11-shen e Kosovës ndaj Austrisë

Kombëtarja e Kosovës është gati për sfidën e radhës kundër Austrisë, ku synimi kryesor mbetet sigurimi i një rezultati pozitiv që do ta mbante të hapur garën për kreun e renditjes në Grupin B të Ligës së Kombeve. Për këtëballafaqim vendimtar, përzgjedhësi Franco Foda ka përzgjedhur një qasje sulmuese, duke i besuar repartit të avancuar formuar nga Edon Zhegrova, Baton Zabërgja dhe sulmuesi kryesor Vedat Muriqi. Organizatën e lojës në mesfushë tekniku gjerman ia ka besuar dyshes Leon Avdullahu dhe Veldin Hoxha, ndërkohë që krahët do të mbulohen nga Mërgim Vojvoda dhe Dion Gallapeni. Në vijën e prapavijës, Foda ka përsëritur besimin te Ron Raçi, i cili do të rreshtohet në mbrojtje krahas Lumbardh Dellovës dhe Ilir Krasniqit. Porta e "Dardanëve" i është besuar sërish portierit Amir Shaipi. 11-shja startuese e Kosovës përbëhet nga: Shaipi; Krasniqi, Dellova, Raçi; Vojvoda, Avdullahu, Hoxha, Gallapeni; Zabërgja, Zhegrova dhe Muriqi. Ndërkaq, përbërja zyrtare e kombëtares së Austrisë pritet të zyrtarizohet pak çaste para fillimit të sfidës. Ky duel spektakolar do të luhet në stadiumin “Fadil Vokrri” në kryeqytet, me fillim nga ora 18:00.