Kurorëzim dashurie me rite tradicionale: Kushtrim Kelani dhe Aurora Rrusta lënë pas beqarinë

Kushtrim Kelani dhe Aurora Rrusta po jetojnë sot njërën prej periudhave më të gëzuara të jetës së tyre, duke kurorëzuar lidhjen e tyre në një ceremoni martesore ku mbizotërojnë emocionet dhe traditat e hershme shqiptare. Akti i parë i festës ka nisur sipas zakoneve tradicionale, me ritin e marrjes së nuses. Të afërmit dhe familjarët e dhëndrit janë drejtuar për në fshatin Nekoc, vendlindjen e Aurorës, për ta përcjellë atë drejt shtëpisë së re. Në fotot dhe videot e shpërndara në rrjetet sociale, dyshja shkëlqen nga eleganca. Kushtrimi ka preferuar një kostum klasik me ngjyrë të kaltër, ndërkohë që Aurora paraqitet mjaft të tërheqshme me veshjen tradicionale të bardhë të nusërisë. Rrugëtimi i nuses është shoqëruar gjatë gjithë kohës nga ritmi i defave dhe këngët burimore, të cilat kanë shtuar edhe më shumë gjallërinë dhe madhështinë e kësaj dite. Të shoqëruar nga familjarët dhe miqtë e tyre më të afërt, çifti po hedh kështu hapin e parë drejt një të ardhmeje të përbashkët, duke i dhënë rëndësinë e merituar zakoneve tona kombëtare që përcillen brez pas brezi. Pamjet e para nga ky organizim kanë ngjallur interes të jashtëzakonshëm në platformat online, ku nuk kanë munguar as urimet e shumta nga ndjekësit. Tashmë, për ta nuk mbetet gjë tjetër veçse të shijojnë çdo sekondë të kësaj dite unike dhe të nisin rrugën e re bashkëshortore të mbushur me mbarësi e dashuri.