Mbrëmje historike për Lautaro Martinez, sulmuesi i Interit barazon legjendën Sergio Aguero

Kapiteni i Interit, Lautaro Martinez, ka lënë sërish gjurmë të rëndësishme me fanellën e kombëtares së Argjentinës, duke hedhur një tjetër hap të madh drejt majave të historisë së futbollit të vendit të tij. Sulmuesi argjentinas ishte ndër figurat kryesore në triumfin e thellë 7-0 që Argjentinë regjistroi kundër Burkina Fasos në takimin miqësor. Martinez zhbllokoi shifrat e ndeshjes duke shënuar golin e parë, pasi përfitoi nga topi i kthyer prej portierit pas një goditjeje nga pika e bardhë e penalltisë, ndërkohë që më pas kontribuoi edhe me një asist për Gianluca Prestiannin. Për shkak të ecurisë së ndeshjes dhe ruajtjes së energjive, ai u zëvendësua në minutat e para të fraksionit të dytë të lojës. Ky shënim shënon ndeshjen e dytë radhazi ku sulmuesi kryesor i "Albiceleste" gjen rrugën e rrjetës, pas paraqitjes pozitive dhe golit të shënuar në fitoren 4-0 kundër Bolivisë. Falë këtij realizimi, snajperi zikaltër ka arritur në kuotën e 42 golave të shënuar me fanellën e kombëtareve, duke barazuar kështu shifrën e realizuar nga Sergio Aguero dhe duke u ngjitur zyrtarisht në vendin e tretë të listës së golashënuesve më të mirë ndër kohë për Argjentinën. Në krye të kësaj renditjeje historike vazhdon të mbretërojë Lionel Messi me plot 125 gola, një shifër që mbetet ende larg çdo rivali, ndërsa sfida e radhës për Lautaron mbetet tejkalimi i Gabriel Batistutas, i cili pozicionohet i dyti me 55 finalizimet e tij zyrtare.