Tragjedia në Australi thellohet: Ndërron jetë edhe fëmija i dytë, nëna ballafaqohet me akuza shtesë për vrasje

Një ngjarje tejet e rëndë ka tronditur opinionin publik në zonën Blue Mountains, në perëndim të Sidneit, pasditen e së dielës. Një 42-vjeçare dyshohet se ka sulmuar me thikë tre fëmijët e saj të mitur, përkatësisht 5, 3 dhe 1 vjeç, brenda një automjeti në Valley Heights. Pavarësisht ndërhyrjes së shpejtë të kalimtarëve që u munduan t'u jepnin ndihmën e parë, vogëlushi 5-vjeçar ndërroi jetë në vendin e ngjarjes. Ndërkaq, dy fëmijët e tjerë u transportuan me urgjencë drejt spitalit për të marrë trajtim mjekësor për shkak të plagëve të rënda. Pas pesë ditësh lufte me vdekjen në spital, autoritetet policore konfirmuar se ka ndërruar jetë edhe fëmija 1-vjeçar. Nga ana tjetër, fëmija 3-vjeçar vazhdon të mbahet nën kujdes intensiv dhe ndodhet në gjendje kritike për jetën. Nëna e fëmijëve është vënë në pranga dhe, pas bilancit fatal të fëmijës njëvjeçar, ndaj saj është ngritur një akuzë e dytë për vrasje. Ajo do të vijojë të mbahet në paraburgim deri në seancën e ardhshme gjyqësore. Babai i viktimave ka kaluar këto ditë të vështira në spital i shoqëruar nga familjarë të tjerë. Sipas burimeve pranë familjes, ai ka qenë në orar të punës kur ka marrë njoftimin e kobshëm, pasi fillimisht kishte besuar se bashkëshortja kishte dalë shëtitje me fëmijët, para se të mësonte se djali i tyre pesëvjeçar kishte vdekur. Prej atij momenti, ai po qëndron pranë djalit 3-vjeçar që po lufton për mbijetesë. Kjo ngjarje e rëndë u zbardh fillimisht nga dy çiklistë, të cilët vunë re një makinë me dyert e hapura dhe gruan të shtrirë e të plagosur rëndë në afërsi të saj. Ata ndërhynë për t'i dhihur ndihmën e parë të miturve dhe nënës, duke njoftuar menjëherë ekipet e emergjencës. Forcat e rendit e kanë cilësuar skenën e krimit si një nga pamjet më tronditëse me të cilat janë ballafaquar.