Parashikimi i motit: Mëngjes i freskët dhe diell gjatë ditës, termometrat deri në 24 gradë

Për ditën e sotme, territori i vendit tonë do të karakterizohet nga një mot stabil, ku do të mbizotërojë dielli shoqëruar me vranësira kalimtare. Autoritetet kompetente bëjnë me dije se nuk parashikohet të ketë reshje atmosferike. Sipas të dhënave të publikuara nga Instituti Hidrometeorologjik i Kosovës, vlerat e temperaturave minimale do lëvizin nga 0°C deri në 3°C, kurse temperaturat maksimale gjatë ditës do të arrijnë ndërmjet 19°C dhe 24°C. Nga instituti theksohet se ngritja e ndjeshme e temperaturave në orët e mesditës do të krijojë kushte më të volitshme termike për qytetarët, ndonëse fillimi i ditës do të jetë më i ftohtë. Sa i përket fushave barike dhe erës, ajo do të fryjë kryesisht nga drejtimi i verilindjes, duke ruajtur një shpejtësi të lehtë prej 1 deri në 3 metra në sekondë.