Pamje të papritura në Shkup: Një qen ‘pushton’ fushën dhe ndërpret përballjen Maqedoni e Veriut - Skoci

Një ngjarje tejet e pazakontë ka ndodhur gjatë takimit ndërkombëtar mes kombëtares së Maqedonisë së Veriut dhe asaj të Skocisë, duke tërhequr vëmendjen e të gjithë të pranishmëve. Në minutën e 9-të të lojës, e cila po zhvillohej në kryeqytetin maqedonas, një vizitor i paftuar ka bërë që aksioni në fushë të ndalet përkohësisht, pasi një qen ka vrapuar i qetë mbi tapetin e blertë. Për të shmangur ndërprerjen e mëtejshme të lojës, futbollisti i Maqedonisë së Veriut, Sebastien Herrera, u afrua për ta orientuar kafshën drejt vijës anësore të fushës. Megjithëse fillimisht dukej se po largohej me shpejtësi, qeni përfundoi duke dalë vetë nga zona e lojës, ndërkohë që regjia e transmetimit ka përcjellë çdo lëvizje të tij para se situata t'i kthehej normalitetit.