Detaje tronditëse nga fluturimi i Flydubai: Si u shmang një tragjegi ajrore drejt Izraelit dhe roli heroik i ekuipazhit

Një tragjegi e rëndë në ajër u shmang në minutat e fundit të mërkurën, pasi pasagjerët dhe anëtarët e ekuipazhit ndërhynë me guxim brenda kabinës së pilotit për të rimarrë kontrollin e një avioni që po udhëtonte drejt Tel Avivit. Prokurori i Përgjithshëm i Emirateve të Bashkuara Arabe, Hamad Saif Al Shamsi, deklaroi të shtunën se njëri nga pilotët u përpoq të kryente një akt terrorist duke sulmuar kolegun e tij me një sëpatë brenda kabinës. Ky është rasti i parë që autoritetet e Emirateve e cilësojnë zyrtarisht incidentin si të dyshuar për terrorizëm, duke konfirmuar gjithashtu përdorimin e një sëpate, e cila sipas protokolleve të sigurisë është pajisje e detyrueshme në shumicën e avionëve civilë. Si pasojë e sulmit, mjeti fluturues humbi mijëra metra lartësi brenda një kohe shumë të shkurtër, duke shkaktuar panik të madh dhe duke e detyruar ekuipazhin të realizonte një ulje emergjente në Arabinë Saudite. Hetimet mbi motivet vijojnë, ndërsa kryeministri izraelit Benjamin Netanyahu u shpreh në një video-mesazh se i dyshuari kishte shfaqur shenja të radikalizmit islamist, duke paralajmëruar se kush qëndron pas kësaj ngjarjeje do të mbajë përgjegjësi të rëndë. Piloti tjetër, shtetasi indian Smit Machchhar, është shpallur hero pasi luftoi për jetën dhe arriti të pengonte një katastrofë të përmasave të mëdha. Vetë Netanyahu theksoi se ky rast ndryshon nga incidentet e tjera tragjike, pasi kësaj radhe fituan forcat e së mirës. Fluturimi FZ1073 i kompanisë Flydubai u nis nga Dubai në orën 06:05 me orën lokale dhe po fluturonte drejt perëndimit. Rreth dy orë pas nisjes, të dhënat e gjurmimit treguan një ulje drastike të shpejtësisë dhe një kthesë të menjëhershme në veri, ku avioni humbi 17,400 metra lartësi në më pak se dy minuta. Në orën 08:31 u lëshua sinjali i emergjencës, pak para se të aktivizohej kodi 7500 i Organizatës Ndërkombëtare të Aviacionit Civil, që tregon për rrëmbim avioni. Pamjet e reja të publikuara sjellin në vëmendje skenat dramatike të përleshjes brenda kabinës. Aty shihen udhëtarë të mbledhur te dera, ndërsa një punonjës i ekuipazhit u kërkon të tjerëve të ulen dhe kërkon ndihmën e një mjeku. Zërat dëgjohen duke kërkuar me dëshpërim një pilot dhe duke përgatitur kutinë e ndihmës së shpejtë. Pasagjerët përshkruan momente tmerri ndërsa avioni po rrokullisej. Mika Bauman, një nga udhëtaret, tregoi për frikën e madhe se po i vinte fundi i jetës, mes të qarave të fëmijëve dhe britmave në kabinë. Megjithatë, disa prej pasagjerëve morën situatën në dorë duke u futur me forcë në kabinë për të neutralizuar sulmuesin. Njëri prej tyre, Yaniv Hayoun, shpjegoi për Netanyahun se si arriti ta immobilizonte të dyshuarin dhe ta nxirrte jashtë, për të marrë më pas vetë kontrollin e komandave të fluturimit me qëllim stabilizimin e mjetit.