Mbrëmje e errët për Kroacinë, 'Tre Luanët' japin një leksion futbolli në Rijekë

Kroacia po përballet me njërën nga disfatat më të rënda dhe më të dhimbshme në historinë e saj para adhuruesve të zjarrtë vendas, në stadiumin “Rujevica” të Rijekës. Përfaqësuesja e Anglisë po dominar plotësisht takimin, duke krijuar një epërsi të thellë prej 5:0 ndaj skuadrës kroate, në kuadër të ndeshjeve të Ligës A në Ligën e Kombeve. Festivali i golave nisi që në minutën e 8-të, kur Harry Kane përfitojë nga një pasim i matur mirë brenda zonës nga Jude Bellingham, duke e mposhtur portierin vendas me një goditje mjeshtërore në këndin e sipërm të djathtë për 0:1. Epërsi u dyfishua në minutën e 21-të, ku Anthony Gordon dhuroi një asistim perfekt për Jude Bellingham, i cili nga afërsia nuk gaboi dhe e dërgoi topin në rrjetë për 0:2. Anglia nuk u ndal me kaq, pasi në minutën e 39-të, pas një krosimi ku portieri kroat dështoi të ndërhyjë, Jarell Quansah shërbeu Anthony Gordonin, i cili shënoi me kokë nga distanca e afërt për të thelluar shifrat në 0:3. Kur po mbyllej pjesa e parë, saktësisht në minutën e 45-të, Bukayo Saka përfitojë nga një tjetër asistim i mrekullueshëm i Bellingham, duke e dërguar topin në portën e boshatisur për rezultatin e pjesës së parë, 0:4. Edhe me nisjen e fraksionit të dytë, “Tre Luanët” nuk e ulën ritmin, duke u dhuruar goditjen e radhës vendasve në minutën e 53-të, kur Harry Kane shënoi përsëri për ta çuar rezultatin në 0:5.