Nisma për Gjykatën Speciale, deputetët e PDK-së mblidhen në selinë qendrore

Grupi Parlamentar i Partisë Demokratike të Kosovës (PDK) ka thirrur një takim urgjent për të shqyrtuar hapat e ardhshëm lidhur me iniciativën për amandamentimin e Ligjit për Dhomat e Specializuara. Diskutimet po zhvillohen në ambientet e selisë së partisë, ndërsa zhvillimet janë konfirmuar zyrtarisht për agjencinë tonë nga deputetja e këtij subjekti politik, Blerta Deliu Kodra. “Mbledhja e Grupit Parlamentar të PDK-së është duke u mbajtur”, ka deklaruar shkurtimisht ajo. Kjo mbledhje vjen menjëherë pas vendimit të Ekzekutivit, i cili mbrëmë miratoi Projektligjin për Plotësimin dhe Ndryshimin e Ligjit për Dhomat e Specializuara, një propozim ky i iniciuar nga vetë Partia Demokratike e Kosovës dhe i mirëpritur nga strukturat e saj.