Fundjava sjell mot stabil në vend: Ja çfarë temperaturash na presin më 26 dhe 27 shtator

Qytetarët e vendit do të kenë një fundjavë me kushte të qëndrueshme atmosferike, ku do të mbizotërojë moti me diell dhe vranësira të lehta deri mesatare, pa rrezik për reshje. Kështu ka bërë të ditur Instituti Hidrometeorologjik i Kosovës përmes parashikimit të rregullt meteorologjik. Ditën e shtunë, më 26 shtator, termometrat në orët e mëngjesit do të shënojnë vlera minimale prej 5 deri në 9 gradë Celsius, kurse gjatë ditës temperaturat maksimale do arijnë mes 15 dhe 18 gradë. Era do të fryjë nga drejtimi i verilindjes me një shpejtësi të lehtë prej 1 deri në 6 metra për sekondë. Ndërkohë, të dielën, më 27 shtator, parametrat termikë do të pësojnë një ngritje të lehtë. Temperaturat minimale do të sillen nga 6 deri në 9 gradë Celsius, ndërsa ato maksimale do të lëvizin ndërmjet 16 dhe 19 gradë. Edhe gjatë kësaj dite, drejtimi i erës do të jetë nga verilindja, duke ruajtur të njëjtën shpejtësi prej 1 deri në 6 metra për sekondë. Sipas të dhënave nga IHMK, situata biometeorologjike përgjatë ditës së shtunë do të paraqitet e favorshme dhe pozitive për pjesën më të madhe të popullatës. Megjithëse mëngjeset do të jenë më të freskëta, orët e mesditës do të ofrojnë kushte mjaft përshtatshme për lëvizje dhe aktivitete në natyrë. Pozita e favorshme biometeorologjike do të vazhdojë edhe gjatë ditës së diel. Flladi i mëngjesit do t'ia lërë vendin një moti më të ngrohtë dhe me diell gjatë ditës, duke krijuar një ambient tejet komod për pushimin e fundjavës.