Mbështetje masive në Helsinki, kuqezinjtë synojnë kreun ndaj Finlandës

Kombëtarja shqiptare e futbollit pritet të zbresë në fushë pas pak minutash përballë Finlandës, në kuadër të Ligës së Kombeve (Nations League). Në stadiumin olimpik të Helsinkit, atmosfera kuqezi ka nisur të ndizet që para fillimit të takimit. Siç raporton nga vendngjarja gazetarja Trevisa Tufa, dy mijë tifozë shqiptarë kanë nisur hyrjen në impiantin sportiv për të qenë lojtari i dymbëdhjetë i skuadrës. Pavarësisht se bëhet fjalë për një sfidë në transfertë, tribuna është pushtuar nga flamujt kuqezi dhe simbolet kombëtare, duke krijuar një ambient familjar për përfaqësuesen tonë. Ndeshja, e cila po zhvillohet në "Helsinki Olympic Stadium", ka një rëndësi parësore për kuqezinjtë, të cilët synojnë një rezultat pozitiv për të ruajtur kreun e renditjes.