Revolucion në mbrojtje: Barcelona i hap rrugën shitjes së Jules Koundé në janar

Klubi i Barcelonës po shqyrton seriozisht mundësinë e largimit të Jules Koundé gjatë merkatos së dimrit, nëse në drejtim të klubit do të vijë një ofertë e kënaqshme për mbrojtësin francez. Sipas burimeve pranë situatës, drejtuesit katalunas ndodhen nën trysninë e sigurimit të të ardhurave përmes shitjes së lojtarëve, ndërsa 27-vjeçari shfaqet si një prej opsionit kryesor për të gjeneruar fonde. Nga ana tjetër, Chelsea ruan një interes të theksuar përfaqësuesin e kombëtares së Francës, pavarësisht se në sesionin e kaluar veror nuk pati bisedime konkrete për realizimin e transferimit të tij. Pavarësisht zërave, vetë lojtari nuk e ka shprehur dëshirën për të ndërruar ambient dhe deri më tani mungojnë bisedimet e thelluara. Fati i mbrojtësit mbetet të vendoset ekskluzivisht nga shifra financiare që do të ofrohet në zyrat e klubit nga “Camp Nou”. Përveç londinezëve, në garë për të siguruar shërbimet e tij janë futur edhe gjigantët e tjerë evropianë si Arsenal, Manchester United dhe Bayern Munich, të cilët po ndjekin me vëmendje zhvillimet e fundit rreth tij. Kujtojmë se Koundé është i lidhur me një kontratë afatgjatë me “Blaugranët” deri në vitin 2030, mirëpo dinamikat e ndryshuara përgjatë këtij sezoni e kanë shndërruar të ardhmen e tij në një ndër temat më të komentuara për merkaton e janarit.