Zgjedhjet e papritura të Maranit: Tre ndryshime në formacion para përballjes me Finlandën

Trajneri i Kombëtares, Rolando Maran, ka marrë vendimin për të lënë tre futbollistë jashtë listës së skuadrës për sfidën e radhës kundër Finlandës, duke i dërguar ata në tribunë. Bëhet fjalë për Samuele Sinën, Klevi Qefalijën dhe Sabah Kerjotën, të cilët nuk do të mund të kontribuojnë në këtë takim. Ndërkohë, vendet e tyre në skuadër janë plotësuar nga Naser Aliji, Feta Fetai dhe Klisman Cake. Nga këto ndryshime, më e bujshmja pa dyshim që është lënia e Sinës në tribunë. Vetëm 19 vjeç, talenti që aktivizohet në Serinë C ishte titullar në ndeshjen e tij të parë me fanellën kuqezi dhe luajti për 90 minuta në triumfin ndaj San Marinos. Pavarësisht se u vlerësua nga platforma “Sofascore” si lojtari më i mirë i fushës me notën 8 – më e larta e gjithë takimit të kaluar – trajneri ka preferuar qasje të tjera taktike për këtë sfidë. Dueli ndaj Finlandës është i vlefshëm për raundin e tretë të Ligës së Kombeve. Përfaqësuesja jonë synon ruajtjen e kreut të Grupit C, ndërkohë që aktualisht avantazhohet me dy pikë më shumë se kundërshtarët finlandezë.