Formacioni i Kombëtares zbulohet para sfidës kyçe ndaj Finlandës në Ligën e Kombeve

Kombëtarja e Shqipërisë po vijon me ritme të larta përgatitjet për sfidën e radhës në kuadër të kompeticionit “Nations League”. Përfaqësuesja kuqezi do të udhëtojë si mysafire e Finlandës, me synimin e qartë për të regjistruar fitoren e tretë radhazi në këtë fazë grupesh. Në këtë duel, trajneri pritet t'i besojë sërish futbollistëve kryesorë që u aktivizuan ndaj Bjellorusisë. Kështu, Mitaj do ta nisë sfidën nga minuta e parë, ndërsa Elseid Hysaj dhe Berisha do të rikthehen në formacionin titullar, pasi morën kohë pushimi në ndeshjen e kaluar kundër San Marinos.