Real Madridi pikonson yllin e Bundesligës për mbrojtjen, por rruga drejt tij është e vështirë

Gjiganti spanjoll Real Madrid ka shprehur interesim konkret për mbrojtësin e Bayer Leverkusenit, Jarell Quansah, të cilin e ka vëzhguar me vëmendje gjatë këtij edicioni. Në dy periudhat e fundit të kalimtareve verore, “Los Blancos” kanë investuar fuqishëm në prapavijë, duke siguruar shërbimet e lojtarëve si Trent Alexander-Arnold, Dean Huijsen, Alvaro Carreras, Denzel Dumfries, Ibrahima Konate dhe Marc Cucurella. Megjithatë, klubi mund të ketë sërish nevojë për lëvizje në treg për repartin defensiv, pasi kontrata e Antonio Rudiger përfundon në fund të sezonit, ndërkohë që vazhdojnë shqetësimet rreth gjendjes fizike të Eder Militaos. Këto rrethana kanë bërë që në radarin e madrilenëve të përfshijë fillimisht Finn Jentsch të VfB Stuttgartit, ndërsa tani në skenë ka dalë fuqishëm edhe emri i Quansah. Quansah u transferua te Bayer Leverkuseni nga gjiganti i Premierligës, Liverpooli, ku u rrit si futbollist në akademinë e klubit. Klubi gjerman pagoi një shifër rekord prej 35 milionë eurosh për ta siguruar atë në vitin 2025. Futbollisti 23-vjeçar është përshtatur shkëlqyeshëm në futbollin gjerman, duke fituar vendin e titullarit falë polivalencës së tij, pasi mund të operojë me sukses si qendërmbrojtës ashtu edhe si mbrojtës i djathtë. Ai ka regjistruar tashmë 50 paraqitje për Leverkusenin, duke kontribuar me pesë gola dhe një asistim në fushën e blertë. Gjithashtu, Quansah ishte pjesë e Përfaqësueses së Anglisë që u rendit në vendin e tretë në Kupën e Botës FIFA 2026, ku trajneri Thomas Tuchel e preferoi atë para Trent Alexander-Arnold të Real Madridit. Forma e tij e shkëlqyer e ka dërguar menjëherë në vëmendjen e drejtuesve të “Los Blancos”, ndërsa një detaj interesant është miqësia e ngushtë që ai ka me yllin e Real Madridit, Jude Bellingham. Megjithatë, sigurimi i shërbimeve të Quansah nuk do të jetë një mision i thjeshtë për klubin madrilen, pasi ai ka një kontratë afatgjatë që skadon në vitin 2030 dhe Leverkuseni nuk do ta lëshojë lehtë. Pengesa më e madhe mbetet fakti se ish-klubi i tij i fëmijërisë, Liverpooli, zotëron një klauzolë riblerjeje prej 70 milionë eurosh, të cilën mund ta aktivizojë për ta rikthyer në “Anfield”. Për më tepër, Chelsea i drejtuar nga ish-trajneri i Real Madridit, Xabi Alonso, ka shfaqur gjithashtu interesim për mbrojtësin anglez, ndërsa Arsenali kishte një ofertë prej 65 milionë eurosh të refuzuar gjatë verës së kaluar. Kështu, pavarësisht dëshirës së Real Madridit për ta transferuar Quansah për verën e vitit 2027, operacioni pritet të jetë tejet sfidues.