Lautaro Martinez: Detyra jonë është të çojmë përpara trashëgiminë e Lionel Messit

I pranishëm në grumbullimin e Përfaqësueses së Argjentinës, sulmuesi i Interit dhe i ekipit kombëtar, Lautaro Martínez, ka dhënë një intervistë për “ESPN”, ku ka folur rreth rëndësisë së Lionel Messit dhe sfidës së tij të fundit me fanellën bardhekaltër, e cila është caktuar për datën 6 tetor. “Ai nuk është larguar ende. Mbetet edhe një ndeshje e fundit, e më pas do të shohim se çfarë do të ndodhë,” u shpreh 30-vjeçari. Sipas tij, ndikimi dhe gjurmët që ylli argjentinas ka lënë pas do të jenë të përhershme. “Trashëgimia që ai ka krijuar do të mbetet përgjithmonë,” theksoi sulmuesi. Duke analizuar grupin dhe ndryshimet brenda skuadrës, Martínez shtoi se futbollistët me përvojë në ekip vazhdojnë të japin kontributin e tyre, ndërkohë që talentet e reja që i bashkohen skuadrës e nisin rrugëtimin nga e para, siç ndodh rëndom në çdo cikël të ri. Ai shtoi gjithashtu se Argjentina krenohet me një numër të madh lojtarësh shumë premtues. “Kemi zbritur në fushë në dy Kupa Bote dhe kjo ka një peshë të madhe; misioni ynë është të ruajmë dhe të vazhdojmë trashëgiminë që na ka dhuruar Leo,” deklaroi ndër të tjera sulmuesi kryesor i zikaltërve. Në mbyllje të fjalës së tij, Martínez bëri thirrje që ky moment të shijohet maksimalisht, duke e cilësuar si një fazë mjaft të rëndësishme. “Do të jetë një rrugëtim i rëndësishëm dhe ne do të japim gjithmonë maksimumin tonë për ngjyrat e kombëtares,” përfundoi ai.