Këto fshatra të Vushtrrisë nesër mbesin pa rrymë për pesë orë e gjysmë

Disa fshatra të Vushtrrisë do të mbesin pa furnizim me energji elektrike të martën, më 8 shtator, për shkak të punimeve të domosdoshme në rrjet. Sipas njoftimit të KEDS-it, ndërprerja do të zgjasë nga ora 10:00 deri në orën 15:30 dhe do të përfshijë një pjesë të Bukoshit, si dhe fshatrat Novolan, Kollë, Vërnicë, Reznik, Shallc, Druvar dhe Mihaliq. KEDS ka bërë të ditur se punimet realizohen për eliminimin e defekteve dhe problemeve të evidentuara gjatë inspektimit të rrjetit me dron. Njoftimi i plotë i KEDS-it: Punime të domosdoshme për siguri të sistemit Nga TS 110/10 kV Vushtrria 2 do të ndërpritet: Dalja 10kV J06 Novolani (kodi: 73000005), nga ora 10:00 deri në orën 15:30. Vendet: Një pjesë e Bukoshit, Novolani, Kolla, Vërnica, Rezniku, Shallci, Druvari dhe Mihaliqi. Arsyeja: Intervenim në eliminimin e defekteve dhe të gjeturave nga inspektimi me dron.