Edon Zhegrova flet pa doreza: Juventusi mbetet gjithmonë mbi Interin

Pavarësisht angazhimeve me kombëtaren e Kosovës në Ligën e Kombeve, ku u regjistrua një barazim pa gola ndaj Izraelit, sulmuesi Edon Zhegrova ka tërhequr vëmendjen e medieve ndërkombëtare me deklaratat e tij për “SportMediaset”, duke u ndalur gjerësisht te aventura e tij te Juventusi. Futbollisti shqiptar ka shprehur hapur entuziazmin për kalimin te gjiganti italian, duke theksuar se është i privilegjuar që bën pjesë në këtë grup. Ai vlerësoi maksimalisht bashkëlojtarët, stafin teknik dhe klubin, ndërsa premtoi se do të japë gjithmonë maksimumin në fushën e blertë për të arritur suksese të mëdha. Zhegrova pranoi se kalimi te “Zonja e Vjetër” ka qenë një ëndërr e realizuar dhe se dëshira e jo për t'u larguar ka qenë vendimtare, duke synuar tani lënia e një gjurme të rëndësishme në historinë e klubit. Duke iu përgjigjur pyetjeve rreth mungesave në arenën evropiane, ai sqaroi se ky është një vendim taktik i trajnerit Spaleti, të cilin e respekton plotësisht, ndërsa premtoi se do të vazhdojë të punojë fort për të fituar besimin e plotë. Në fund të prononcimit të tij, duke u ndalur te rivaliteti i fortë në Serie A dhe krahasimet me Interin, Zhegrova nuk ka ngurruar të japë një përgjigje të prerë: “Kemi një skuadër të madhe dhe luajmë për të fituar. Nuk dua të flas shumë për këtë, por Juventusi është gjithmonë më i mirë”.