Plagosja me armë në kryeqytet: Policia zbardh detajet dhe publikon identitetin e 33-vjeçarit

Uniformat blu të Tiranës kanë dalë me një njoftim zyrtar lidhur me ngjarjen e rëndë të regjistruar pak orë më parë në zonën e njohur si Zogu i Zi në kryeqytet, ku mbeti i plagosur një person. Sipas informacioneve zyrtare të autoriteteve policore, i lënduari është shtetasi nga Kosova, Gjenk Karabeg, rreth 33 vjeç. Ngjarja dyshohet se ka ndodhur për motive të dobëta në rrugën “Egnatia”. Në njoftimin e plotë të policisë thuhet: "Më datë 25.09.2026, rreth orës 14:35, në Spitalin e Traumës është paraqitur për ndihmë mjekësore shtetasi kosovar Gj. K., rreth 33 vjeç, dyshohet i plagosur me armë zjarri në këmbë. Paraprakisht, nga hetimet, ngjarja ka ndodhur pas një konflikti të ndodhur në rrugën “Egnatia”, për motive të dobëta. Shërbimet e Policisë, pas marrjes së njoftimit, kanë shkuar menjëherë në vendngjarje dhe po kryejnë veprimet e para hetimore për identifikimin dhe kapjen e autorit të dyshuar. Grupi hetimor po vijon punën për sqarimin e plotë të rrethanave të ngjarjes dhe dokumentimin e saj ligjor."